Andrea Pirlo

Andrea Pirlo

(2015)
Biografía
Nacemento	19 de maio de 1979 (45 anos) Brescia, Italia
Altura	177 cm
Peso	68 kg
Actividade
Ocupación	futbolista (–2017), adestrador de fútbol
Período de actividade	21 de maio de 1995 - 5 de novembro de 2017
Nacionalidade deportiva	Italia
Deporte	fútbol
Liga	Major League Soccer
Posición de xogo	Centrocampista
Traxectoria   Equipo 1995–1998 Brescia Calcio 47 (6) 1998–2001   Inter de Milán 22 (0) 1999–2000 → cesión:  Reggina 1914 (centrocampista) 28 (6) 2001–2001 → cesión:  Brescia Calcio (centrocampista) 10 (0) 2001–2011   A.C. Milan 284 (32) 2011–2015 Juventus FC (centrocampista) 119 (16) 2015–2017 New York City FC 60 (1)   Selección nacional 1994–1994   Italia sub-15 3 (0) 1995–1995   Italia sub-17 4 (0) 1995–1995   Italia sub-16 6 (2) 1995–1997   Italia sub-18 18 (7) 1998–2002   Italia sub-21 37 (15) 2002–2015   Italia 116 (13)   Adestrador 2020–2020 Juventus Next Gen 2020–2021 Juventus FC 2022–2023 Fatih Karagümrük SK 2023–2024 UC Sampdoria
Participou en
2014	Mundial de Fútbol Brasil 2014
2013	Copa Confederacións da FIFA
11 de marzo de 2012	Lega Calcio Serie A
2012	Eurocopa de Fútbol Polonia/Ucraína 2012
2010	Mundial de Fútbol Suráfrica 2010
2009	Copa Confederacións Suráfrica 2009
xuño de 2008	Eurocopa de Fútbol Austria/Suíza 2008
2006	Mundial de Fútbol Alemaña 2006
2004	Eurocopa de Fútbol Portugal 2004
2004	Xogos Olímpicos de 2004
2000	Xogos Olímpicos de 2000
Premios
(12 de decembro de 2006)  Oficial da Orde ao Mérito da República Italiana (27 de setembro de 2004)  Cabaleiro da Orde ao Mérito da República Italiana

Andrea Pirlo, nado o 19 de maio de 1979 en Flero (Brescia), é un futbolista italiano, de etnia xitana sinti. Xoga de centrocampista e o seu actual equipo é o Juventus FC da Serie A de Italia.

Traxectoria

Pirlo debutou profesionalmente no Brescia Calcio no ano 1994, disputando a Serie A da liga italiana. Pero o equipo descendeu á Serie B e na tempada 1996-97 logrou ascender de novo. Ao ano seguinte non conseguiu a permanencia, polo que o xogador fichou polo Inter de Milán.

No FC Internazionale non se estableceu nunca como xogador titular, e despois dunha tempada no club foi cedido á Reggina Calcio, onde realizou unha boa campaña. A tempada 2000–01 regresou ó Inter, pero ante a falta de minutos marchou cedido no mercado de inverno ao Brescia, novamente.

No verán de 2001 fichou polo AC Milan, onde foi proclamado como un dos mellores centrocampistas do fútbol italiano e do mundo. Co AC Milan gañou a Liga de Campións en 2003 e 2007, así como a Supercopa de Europa e a Copa Mundial de Clubs da FIFA. A nivel nacional tamén gañou todos os trofeos, a Liga e a Supercopa na tempada 2003/04, e a Copa un ano antes. Debido á corrente xenófoba en Italia, o campión foi vítima de insultos e ameazas graves pola súa condición étnica, xunto a outros futbolistas de orixe xitana como Zlatan Ibrahimović ou Siniša Mihajlović.

O 25 de maio de 2011, anunciouse a súa fichaxe pola Juventus FC por tres anos.

Selección nacional

Foi internacional coa Selección de fútbol de Italia en 63 ocasions e marcou 8 goles. Debutou no ano 2002 ante Acerbaixán, a pesar de que xa xogara nas categorías inferiores, formando parte do equipo que gañou a Eurocopa sub-21 no ano 2000 e tamén do que gañou a medalla de bronce nos Xogos Olímpicos de Atenas 2004. Coa selección absoluta participou na Eurocopa 2004 e coa que xogou e gañou a Copa Mundial de Fútbol de 2006, marcando un gol á selección nacional de Ghana no partido inaugural de Italia e o pase ao gol a Fabio Grosso na semifinal contra Alemaña (2:0).

Na Eurocopa de 2008 marcou un gol de penalti, que serviu para poñer o seu equipo adiante, na vitoria de Italia 2-0, no partido definitivo da fase de grupos contra a Francia, logrando así avanzar a Cuartos de Final.